йавропа иттипақи: исраилийә тинчлиқ үмидлиригә бузғунчилиқ қилмақта
йавропа иттипақи пәләстинликләрниң өй – маканлири вә иш орунлириниң исраилийә даирилири тәрипидин чеқилишиниң хәлқара қанунға хилап икәнликини вә буниң тинчлиқ үмидлиригә бузғунчилиқ қиливатқанлиқини җакарлиди.
түркийә авази радийоси хәвири: йавропа иттипақиниң қуддуста турушлуқ ишханисиниң аммиви ортақлишиш тор бети Twitter сәһиписидә елан қилинған байанатта, исраилийәниң қуддус, әлхәлил, рамаллаһ вә наблус районлирида сәйшәнбә күни пәләстинликләргә аит өй – макан, амбар вә қурулуши давамлишиватқан бина – иш орунлирини чеқивәткәнлики, бир күнлүк чеқиш сәвәбидин, 15 балини өз ичигә алған 22 пәләстинликниң өй – макансиз қалғанлиқи әскәртилиш билән бир вақитта, исраилийә, пәләстинликләрни зорлуқ билән өй-маканлиридин қоғлап чиқириштәк қанунсиз қилмиш вә чеқишни тохтитишқа чақириқ қилинди.
пәләстинликләрниң өй – маканлири вә иш орунлирини чеқиш вә мусадирә қилиш қилмишлириниң 2021-йилиниң алдинқи 9 ейида, алдинқи йилиниң охшаш мәзгилигә селиштурғанда% 21 ашқанлиқи әскәртилгән байанатта, буниң нәтиҗисидә, зорлуқ билән өй – маканлиридин қоғлап чиқириливатқан пәләстинликләр санида % 28 ешиш көрүлгәнлики, пәләстинликләрниң өй – маканлири вә иш орунлириниң исраилийә даирилири тәрипидин чеқилишиниң хәлқара қанунға хилап икәнлики вә буниң тинчлиқ үмидлиригә бузғунчилиқ қиливатқанлиқи тәкитләнди.
