amérikaning teywen eskerlirini meshiq qildurghanliqi élan qilindi
teywen, 40 eskirining tinch okyandiki amérikagha qarashliq guam arilida amérika armiyesi teripidin meshiq qildurulghanliqini uqturdi.
türkiye awazi radiyosi xewiri: «teywen xewerliri»ning xewirige qarighanda, teywen dölet mudapie ministiri chyu ku-chéng bayanat bérip, 40 teywen eskirining guam arilidiki yéngi sélinghan amérika bazisidiki meshiqining «özara tejribe almashturush qedimi»ning bir pachisi ikenlikini eskertip, ighwagerchilik qilishning hajiti yoqliqini éytqan we sözini dawamlashturup: «teywen bilen amérika otturisidiki almashturush we hemkarliq uzun yillardin buyan puxta asaslar üstide turmaqta» dégenlerni qeyt qilghan.
xitay bilen detalashliq teywen arilidiki hökümetning rehbiri sey yingwén 28-öktebir bayanat bérip, amérikaning béyjingning qilghusi mudaxilisi yaki ishghaligha qarshi aralni qoghdaydighanliqigha ishinidighanliqini éytqanidi.
teywen rehbiri sey yingwén CNN International qanilining mexsus ziyaritini qobul qilghanda, amérika eskerlirining tunji qétim teywen armiyesini meshiqlendürüsh üchün teywenge kelgenlikini delilligenidi.
