élon mask acharchiliq mesiliside b d t gha yardem qilishqa wede berdi
amérika qoshma ishtatliridiki tokluq aptomobil ishlepchiqarghuchi tésla shirkitining qurghuchisi élon mask, acharchiliq mesilisini qandaq hel qilidighanliqini jakarlighan teqdirde, birleshken döletler teshkilatigha yardem qilidighanliqi toghrisida wede berdi.
türkiye awazi radiyosi xewiri: dunya boyiche eng bay karxanichilardin élon mask, dunya yémek - ichmek pirogrammisi (WFP) ning dériktori deywid béasléyning, «maskning mal-mülüklirining peqet ikki pirsenti bilenla milyonlighan ach insanlargha yardem béreleydighanliqi» gha alaqidar bayanatigha, ammiwi ortaqlishish tor béti Twitter sehipiside jawab bérip mundaq dédi: «eger dunya yémek - ichmek pirogrammisi, ammiwi ortaqlishish tor béti Twitter sehipiside, 6 milyard dollar bilen dunyadiki acharchiliq mesilisini qandaq hel qilidighanliqini toluq chüshendürüp bérelise, men hazirning özidila téslaning pay – cheklirini derhal satimen؛ nöwettiki we otturigha qoyghan chiqimingizni tepsiliy otturigha qoyung, shundaq bolghanda, kishiler pulning nege ketkenlikini éniq köreleydu, quyash nuri ajayip bir német, bu ishnimu quyash nurigha oxshash éniq qiling, shundaq bolghanda, xelq pulning qandaq xejlinidighanliqini köreleydu.»
dunya yémek - ichmek pirogrammisining dériktori deywid béasléy bolsa, maskqa, ammiwi ortaqlishish tor béti Twitter sehipisi arqiliq uchur - alaqe qilishning ornigha, pilanlirini körsitish üchün, yüzturane körüshüsh teklini sundi, hemde dunya yémek - ichmek pirogrammisining pirinsipliq we ochuq - ashkara sistémisi barliqini we buninggha özining kapalet béridighanliqini tekitlidi.
مۇناسىۋەتلىك خەۋەرلەر
italiye dölet mudapie ministiri yighin jeryanida halidin ketti
italiye dölet mudapie ministiri guydo krosétto doxturxanida jiddiy balnéstqa élindi.
seudi erebistan bilen yaponiye hemkarliq kélishimi tüzdi
seudi erebistan bilen yaponiye otturisida hemkarliq kéngishi quruldi.