rehberler orman kisishni toxtitishqa wede berdi

türkiye awazi radiyosi xewiri: shotlandiyening glasgow shehiride rehberler «ormanlar we yer ishlitishke munasiwetlik rehberler xitabnamesi» ni imzalidi.

xitabnamede, ormanlarni we bashqa quruqluq ékologiyelik sistémilarni qoghdash we eslige keltürüshni tézleshtürüsh, dawamlashturghili bolidighan tereqqiyatni teshebbus qilidighan soda siyasetlirini emeliyleshtürüsh, yéza turmushini tereqqiy qilduridighan berdashliq bérish iqtidarini ashurush, yéza igiliki we ashliq bixeterlikini sijil ilgiri sürüsh siyasitini belgilesh, yerlik ahalilerni qollash we meblegh yürüshtürüshning xelqara nishangha mas kélishige kapaletlik qilish üchün wede bergenliki qeyt qilindi.

dunya yawayi haywanlarni qoghdash fondi (WWF) yershari ormanchiliq belgilimiliri rehbiri frans prays (France Price) xitabname toghrisida bayanat élan qilip, orman késishni toxtitish wedisini derhal emeliyleshtürüsh kéreklikini tekitlidi.

u: «ormanlar, insaniyet, iqtisadiy we ijtimaiy parawanliq üchün intayin muhim bolghan ékologiyelik sistéma xizmetlirini kapaletke ige qilidu. emma, ormanlarning kishini endishige salidighan derijidiki yoqilishi dawamlashmaqta» dédi.

u hökümetlerning qatnishish, jawabkarliqni sürüshtürüsh we ochuq-ashkariliqni ashurush arqiliq yer we orman bashqurushni yaxshilash salmiqini tézlitishi kéreklikini bildürüp: «biz hökümetlerni bügün élan qilinghan orman we yer ishlitish wedisini,  ulughwar,  zamangha layiq nishanlar we bu nishanlarni nazaret qilish hemde delillesh üchün ortaq ochuq-ashkara bolghan ramka arqiliq tamamlashqa chaqirimiz. chünki israp qilghudek waqtimiz yoq» dédi.