kishida yaponiye -ASEAN bashliqlar yighinida rayon weziyiti toghrisida toxtaldi

türkiye awazi radiyosi xewiri: yaponiye bash weziri kishida fumio intérnét muhitida ötküzülgen yaponiye - sherqiy jenubiy asiya elliri ittipaqi bashliqlar yighinidin kéyin muxbirlarni kütüwélish yighini ötküzüp, rayon munasiwiti heqqide toxtaldi.

u bu qétimqi bashliqlar yighinida, xitayning xongkong we uyghur aptonom rayonidiki kishilik hoquq weziyiti bilen teywen boghuzining tinchliq we muqimliq musapisige munasiwetlik endishilerning otturigha qoyulghanliqi bildürdi.

tashqi ishlar weziri bolup wezipige ötigen 2012 - yilidin 17 - yilighiche bolghan jeryanda, yaponiyening rayon bilen bolghan munasiwitini kücheytish üchün küch chiqarghanliqini bayan qilghan kishida, 2023 - yilining yaponiye - sherqiy jenubiy asiya elliri ittipaqi dostluqining 50 – xatire yili ikenlikini eskertti.

u sözini dawamlashturup: «bu qétim bash wezir bolush süpitim bilen, sherqiy jenubiy asiya elliri ittipaqi bilen téximu qoyuq hemkarliq ornitip, <erkin we ochuq hindi - tinch okyan> tesewwurini emelge ashurush üchün téximu küchep tirishimen» dégenlerni qeyt qildi.

pyongyangning tehdit xaraktérlik bashqurulidighan bomba sinaqliri, xitayning rayon déngiz tewelikidiki künséri köpiyiwatqan paaliyetliridin endishe qilidighanliqini tekitligen kishida, shimaliy koréye görüge éliwalghan yaponiye puqraliri mesilisini hel qilish üchün rayon döletlirining yardem qilishini telep qilghanliqini éytti.

u, yaponiyening kowid – 19 gha qarshi küreshte sherqiy jenubiy asiya elliri ittipaqigha eza döletlerni 16 milyon qutidin artuq waksinisi bilen teminligenlikini, hemde «sherqiy jenubiy asiya elliri ittipaqi ammiwi sehiye jiddiy ehwallar we yéngidin otturigha chiqqan késellikler merkizi» ge 48 milyon dollar iane qilghanliqini sözlirige ilawe qildi.