amérikada néfit éqip kétish sewebidin kaliforniyening jenubidiki déngiz sahili taqiwétildi
amérika kaliforniye ishtatining jenubiy déngiz qirghiqidiki néfit éqip kétish weqesini bayqash we tazilash xizmitini dawamlashturmaqta.
türkiye awazi radiyosi xewiri: rayondiki déngiz sahili we béliqchiliq meydanliri taqiwétildi, alaqidar mesullar néfit éqishning toxtighanliqini mölcherligenlikini emma menbesini éniqlash xizmitining dawamlishiwatqanliqini élan qildi.
rayon xelqi déngiz süyige kirishtin agahlanduruldi.
xantington déngiz sahili sheher bashliqi kim karr 3- öktebir kechte ötküzülgen muxbirlarni kütüwélish yighinida, üch ming waril (409 tonna) din artuq xam néfitning 33 kwadrat kilométirgha tarqalghanliqini élan qilghan idi.
yighinda 14 tazilash paraxotining 70 warildin artuq néfit tazilighanliqi we éqip kétishining aldini élish üchün 1.5 kilomitirliq qoghdash tosiqi qurulghanliqi bildürülgen idi.
ishtatning jenubidiki xantington déngiz sahili we nyuport déngiz sahilidin 8 kilomitir yiraqliqta 30 métir chongqurluqtiki néfit turubba liniyeside néft éqip kétish hadisisi bayqalghan idi.
yene bir tereptin, «ABC» qanilida, rayon xelqining 1 – öktebirde déngiz yüzidiki may qatlimini we may puriqini bayqighanliqi, emma néfit liniyisining 2-öktebir kechte taqalghanliqi bildürülüp, mesullarning heriketke ötüshe kéchikip qalghanliqi ilgiri sürülmekte.
«CNN» qanilining ziyaritini qobul qilghan apélsin nahiyesi emeldari katrina foléy rayondiki ékologiyelik qoghdash rayoni hésablinidighan talbért marshning néfit bilen qaplanghanliqini we etretlerning haywanlarni qutquzush üchün tirishiwatqanliqini éytti.
bu qétimqi néft éqip kétish hadisisi, kaliforniye tarixidiki eng chong néfit éqip kétish weqeliridin birsi dep qaralmaqta.
