stolténbérg amérika dölet mudapie ministiri astin bilen körüshti
shimaliy atlantik ehdi teshkilati bash katipi stolténbérg washingtondiki uchrishishliri dairiside, amérika qoshma ishtatliri dölet mudapie ministiri loyd astin bilen körüshti.
türkiye awazi radiyosi xewiri: amérika qoshma ishtatliri dölet mudapie ministiri loyd astin, uchrishish harpisida élan qilghan bayanatida, mundaq dédi: «shimaliy atlantik ehdi teshkilatining küchi peqet herbiy küchtinla emes, belki ittipaqliq we ortaq nishan tuyghusidin kélidu.»
stolténbérgning tirishchanliqlirigha yuqiri baha béridighanliqlirini eskertken astin, aldinqi ayda afghanistandin esker chékindürüsh we afghanistanning paytexti kabuldin tarqaqlashturush yoli arqiliq natogha rehberlik qilishqa yardemchi bolghanliqi üchün stolténbérgqa rehmet éytti.
shimaliy atlantik ehdi teshkilati bash katipi stolténbérg bolsa, bu heqte élan qilghan bayanatida, mundaq dédi: «shimaliy atlantik ehdi teshkilati ilgiriki her qandaq waqittikidinmu muhim, chünki biz nöwette riqabet küchige tolghan bir dunyagha duch kéliwatimiz, rusiyening tajawuzchiliq heriketlirini körüwatimiz, xitayning iqtisadiy we herbiy küchidin téximu köp paydiliniwatqanliqini körüwatimiz, buningdin bashqa yene, tor tehditliri, üzlüksiz dawamlishiwatqan+ térrorluq tehditliri we bashqa nurghun tehditlerge duch kéliwatimiz.»
