kanadada bir musulman sodigerni «térrorchi» dégen siyasetchi türmige tashlandi

türkiye awazi radiyosi xewiri: kanadada «halal» réstoranlar guruhining xojayini muhemmed faqihni özining tor békiti we ijtimaiy alaqe hésablirida hujum nishani qilghan siyasetchi kéwin jonston 18 ayliq qamaq jazasigha höküm qilindi.

kalgari sheher bashliqi namzati jonston muhemmed faqihqa qarshi 2017-yili bashlighan nepretlik sözliri sewebidin 2019-yilida 2 milyon 500 ming dollar jerimane jazasigha höküm qilinghan idi.

jerimane jazasi resmiy höküm qilinghan sotta, jonstonning «buningdin kéyin qayta muhemmed faqih we islam dini toghrisida nepret sözliri ishletmeydighanliqimu» qarar qilinghan idi.

shundaqtimu kanadaliq siyasion nepret sözlirini dawamlashturghandin kéyin, ontariyo aliy sot mehkimisi sodiyesi fréd mayérs kéwin jonston heqqide qayta qarar chiqardi.

sotchi fréd mayérs faqih heqqide «térrorchi» we «bowaq qatili» dégen sözlerni ishletkenlikige dair ilgiriki sotning qararigha xilapliq qilghanliqi sewebidin jonstonni 18 ayliq qamaq jazasigha höküm qildi.

sotning qararida yene, jonstonning qanun boyiche  2022-yili 1-ayning 4-küni ontariyogha qaytip kélishige ruxset qilinghanliqi we shu kündin bashlap jaza mudditini toshquzush üchün türmide yétishi kérekliki höküm qilindi.

sotchi fréd mayérs qararini élan qilghanda jonstonning siyasiy köz qarishi sewebidin emes, belki 6 türlük haqaret jinayiti sewebidin jazalanghanliqini éytti.