amérika arakanliqlargha 180 milyon dollar yardem bérishke wede berdi
amérika qoshma ishtatliri arakanliqlargha yene 180 milyon dollar yardem béridighanliqini uqturdi.
türkiye awazi radiyosi xewiri: amérika qoshma ishtatlirining birleshken döletler teshkilatidiki daimiy wekili linda tomas grinféld, birleshken döletler teshkilatining 76 – nöwetlik omumiy kéngishi yighinliri dairiside, arakanliqlarning ehwali heqqide ötküzülgen aliy derijilik rehberler tor yighinida qilghan sözide, arakanliqlarning birmada uzun yillar ten jazasi, basqunchiliq we köydürüp öltürüsh qilmishlirigha duchar bolghanliqini, birmada féwral éyda yüz bergen herbiy – siyasiy özgirishtin kéyin, arakanliqlarning ehwalining téximu yamanliship ketkenlikini, 900 ming arakanliqning bangladéshtin panahliq tiligenlikini qeyt qildi.
arakanliqlarning ehwaligha sel qarashqa bolmaydighanliqini eskertken grinféld, amérika qoshma ishtatlirining arakanliqlargha yene 180 milyon dollar yardem béridighanliqini, bu yardemning 158 milyon dollarliq qismining bangladéshtiki arakanliqlargha yardem üchün ishlitilidighanliqinimu sözlirige ilawe qildi.
birleshken döletler teshkilatining melumatlirigha qarighanda, 2017 – yili, 25 – awghusttin kéyin arakandin qéchishqa mejbur bolghan we bangladéshtin panahliq tiligen arakanliq musapirlarning sani 700 mingdin köp bolup, lagérlardiki musapilarning yérimini balilar teshkil qilidiken.
