pirézidént baydin shi jinpinggha amérikaning qetiy meydanini bildürgen
amérika pirézidénti jo baydin bilen xitay reisi shi jinping otturisidiki körüshüshte, ikki dölet otturisidiki hemkarliq saheliri bilen menpeetler ayrilghan mesililerning ochuq shekilde muzakire qilinghanliqi bildürüldi.
türkiye awazi radiyosi xewiri: aqsaray teripidin élan qilinghan yazma bayanatqa asaslanghanda, amérika pirézidénti jo baydin bilen xitay reisi shi jinping téléfonda körüshken.
pirézidént baydin körüshüshte, shi jinpinggha amérika bilen xitay otturisida hemkarlashqili bolidighan sahelerde hemkarlishishning mumkinchilikidin bésharet bergen. menpeetler ayrilidighan mesililerde bolsa, amérikaning meydanining nahayiti roshen ikenlikini eskertken.
u amérikaning erkin hindi-tinch okyan rayonining qoghdilishi kérekliki toghrisidiki qetiy meydanini shi jinpinggha uqturghan we xitayning xelqara sodidiki riqabet qaidelirige mesuliyetchanliq bilen boysunushi kéreklikini tilgha alghan.
jenubiy xitay seher pochtisi géziti pirézidént baydin bilen shi jinpingning, washington we béyjing otturisida yéqinqi künlerde küchiyiwatqan riqabetni qandaq qilip yolida dawamlashturush mumkinchilikige munasiwetlik özara pikir almashturghanliqini xewer qildi.
xitay terep pirézidént baydin-shi jinping körüshüshi toghrisida élan qilghan bayanatida: «rehberler ikki terep munasiwetlirige paydiliq we ortaq menpeet bolghan mesililer toghrisida semimiy, chongqur we keng dairilik muzakire élip bardi. pirézidént baydin amérikaning hindi-tinch okyan rayonida we dunyada tinchliq hemde parawanliqni dawamliq berpa qiilshta menpeeti barliqini tekitlidi. rehberler ikki dölet riqabetlirining toqunushup qalmasliqining kapaletke ige qilinishi üchün tereplerge chüshken mesuliyetlerni muzakire qildi» déyldi.
shi jinping amérika-xitay munasiwetlirining qaytidin muqim tereqqiyatqa qarap yüzlinishi üchün siyasiy we istratégiyelik jasaretni körsitishni tekitlep, mundaq dégen:
«amérika-xitay hemkarliqi dunyagha paydiliq, düshmenlishish ziyanliq.»
