awstiraliyede 12 we uningdin yuqiri yashtikilerge waksina emlesh testiqlandi

türkiye awazi radiyosi xewiri: awstiraliye waksina emlesh téxnikiliq meslihet guruppisi döletlik dora tertipke sélish idarisi fayzér-biyonték ishlepchiqarghan wuxen wirusi (Kovid-19) waksinasining 12 we uningdin yuqiri barliq awstiraliyeliklerge emleshni testiqlidi.

bu heqtiki bayanatqa asaslanghanda, fayzér-biyonték tetqiq qilip yasighan wuxen wirusi waksinasining 12 we 15 yash guruppisidikilerge emlesh testiqlanghan.

buningdin ilgiri 16 yashtin yuqiri awstiraliyeliklerge fayzér-biyonték waksinasi emlesh testiqlanghan idi.

awstiraliye bash ministiri skot morrison (Scott Morrison) ning bayanatida, mezkur qarar netijiside, 12 we uningdin yuqiri yashtiki barliq awstiraliyeliklerning fayzér-biyonték waksinasi emlesh imkaniyitige ige bolghanliqini bildürdi.

u 12 we uningdin yuqiri yashtikilerning 13-séntebir (2021) din bashlap waksina emliteleydighanliqini eskertti.