haraq istémalining rak késilige duchar qilidighanliqi delillendi
haraq istémalining ötken bir yilda 700 mingdin artuq ademni rak késilige giriptar qilghanliqi delillendi.
türkiye awazi radiyosi xewiri: «lansét» tébbiy zhurnilida élan qilinghan bir tetqiqat netijisi, haraq istémalining 568 mingdin artuq erde rak késelliki peyda qilghanliqini otturigha qoydi.
haraq istémalining bultur 700 mingdin artuq ademning rak késilige giriptar bolushini keltürüp chiqarghanliqigha isharet qilinghan tetqiqatta, rakning köpinche bimarlarning qizilönggech, üchey, jiger we kökrek qismida bayqalghanliqi qeyt qilindi.
tetqiqatta, nahayiti az miqdarda haraq istémaliningmu rakqa giriptar bolush xewpini ashuruwétidighanliqi tekitlendi.
haraq sewebidin rak késilige giriptar bolghanlarning köpinche sherqiy asiya, ottura we sherqiy yawropada yashaydighanliqi bildürülgen tetqiqatta, bu nisbetning shimaliy afriqa we gherbiy asiyada eng töwen sewiyede ikenliki eskertildi.
