iraqtin dölet sirtigha etkes qilinghan tarixiy asare-etiqeler qayturuldi
iraq qanunsiz halda dölet sirtigha etkes qilinghan 17 mingdin artuq tarixiy asare-etiqelerning qayturulghanliqini bildürdi.
türkiye awazi radiyosi xewiri: iraq tashqi ishlar ministiri fuat hüseyin, amérika qoshma ishtatlirining 2003 – yili iraqni ishghaliyiti mezgilide dölet muzéyliridin qanunsiz halda iraq sirtigha etkes qilinghan tarixiy asare-etiqeler heqqide élan qilghan bayanatida, 2016-yildin buyan, aldinqi yillarda yüz bergen muzéylarning bulang-talang qilinish qilmishliridin kéyin, qanunsiz halda dölet sirtigha etkes qilinghan tarixiy asare-etiqelerning 17 ming 338 ge yetkenlikini eskertish bilen bir waqitta, bu tarixiy asare-etiqelerdin 17 ming 321 ining amérika qoshma ishtatliridin, 9 ining yaponiyedin, 7 sining gollandiyedin we birining italiyedin döletke qayturup kélingenliki heqqide melumat berdi.
2003-yili, amérika qoshma ishtatliri iraqni ishghal qilghan mezgilde, baghdadni öz ichige alghan döletning oxshimighan wilayetliridiki köpligen muzéylar bulang-talang qilinghanidi.
baghdadtiki muzéy, aridin 12 yil ötkendin kéyin, 2015 – yili qayta échilghanidi.
