ئىراقتىن دۆلەت سىرتىغا ئەتكەس قىلىنغان تارىخىي ئاسارە-ئەتىقەلەر قايتۇرۇلدى

تۈركىيە ئاۋازى رادىيوسى خەۋىرى: ئىراق تاشقى ئىشلار مىنىستىرى فۇئات ھۈسەيىن، ئامېرىكا قوشما ئىشتاتلىرىنىڭ 2003 – يىلى ئىراقنى ئىشغالىيىتى مەزگىلىدە دۆلەت  مۇزېيلىرىدىن قانۇنسىز ھالدا ئىراق سىرتىغا ئەتكەس قىلىنغان تارىخىي ئاسارە-ئەتىقەلەر ھەققىدە ئېلان قىلغان باياناتىدا، 2016-يىلدىن بۇيان، ئالدىنقى يىللاردا يۈز بەرگەن مۇزېيلارنىڭ بۇلاڭ-تالاڭ قىلىنىش قىلمىشلىرىدىن كېيىن،  قانۇنسىز ھالدا دۆلەت سىرتىغا ئەتكەس قىلىنغان تارىخىي ئاسارە-ئەتىقەلەرنىڭ 17 مىڭ 338 گە يەتكەنلىكىنى ئەسكەرتىش بىلەن بىر ۋاقىتتا، بۇ تارىخىي ئاسارە-ئەتىقەلەردىن 17 مىڭ 321 ىنىڭ ئامېرىكا قوشما ئىشتاتلىرىدىن، 9 ىنىڭ ياپونىيەدىن، 7 سىنىڭ گوللاندىيەدىن  ۋە بىرىنىڭ ئىتالىيەدىن دۆلەتكە قايتۇرۇپ كېلىنگەنلىكى ھەققىدە مەلۇمات بەردى.

2003-يىلى، ئامېرىكا قوشما ئىشتاتلىرى ئىراقنى ئىشغال قىلغان مەزگىلدە، باغدادنى ئۆز ئىچىگە ئالغان دۆلەتنىڭ ئوخشىمىغان ۋىلايەتلىرىدىكى كۆپلىگەن  مۇزېيلار بۇلاڭ-تالاڭ قىلىنغانىدى.

باغدادتىكى  مۇزېي، ئارىدىن 12 يىل ئۆتكەندىن كېيىن، 2015 – يىلى قايتا ئېچىلغانىدى.