amérika afghanistanliq terjimanlirini amérikagha qayturup keldi
amérika qisimlirining afghanistandiki afghanistanliq terjimanliri we yardemchiliri ailisidikiler bilen birge amérikagha qayturup kélindi.
türkiye awazi radiyosi xewiri: afghan terjimanlarni we aile tawabiatlirini öz ichige alghan 2500 kishi alahide köchmenler wizisi (SIV) resmiyiti tamamlanghangha qeder waqtinche paytext washingitongha yéqin fort lé herbiy bazisida turidu.
afghanistanda 2009-yildin béri amérika hökümiti we amérika armiyesi bilen ishlewatqan kishilerge qaritilghan alahide köchmenler programmisi, köchmenlik we iqamet iltimasining téz hem alahide tamamlinishini asanlashturidu.
amérika tashqi ishlar ministirliqining doklatigha asaslanghanda, 2008-yildin buyan texminen 70 ming afghanistanliq amérikagha alahide köchmenler wizisi (SIV) bilen olturaqlashqan.
«héchkim arqida qalmisun» namliq ammiwiy teshkilatning sanliq melumatlirigha asaslanghanda, afghanistanda amérika armiyesi we hökümiti bilen birlikte xizmet qilghan texminen 300 afghanistanliq terjiman öltürülgen.
bu ariliqta may éyining béshida bashlanghan amérika eskerlirining afghanistandin chékinishining %95 tamamlanghanliqi texmin qilinmaqta.
afghanistanda tinchliq musapisi éniqsizliqini dawamlashturmaqta, bixeterlik qisimliri bilen talibanlar otturisida shiddetlik toqunushlarmu üzlüksiz dawamlashmaqta.
taliban 150 din köpreki nahiye merkizi bolup, jemiy 407 nahiyening kontirolluqini alqinigha kirgüzüwalghan weziyette turmaqta.
taliban bolsa öz kontrolluqigha ötken nahiye merkezliri sanining 260 din ashidighanliqini ilgiri sümekte.
afghanistandiki 34 wilayet merkizi hazirmu hökümet küchlirining kontrolluqida.
