kim jongun béyjing bilen bolghan qoyuq munasiwetni dawamlashturidighanliqini tekitlidi
shimaliy koréye rehbiri kim jongun koréye urushida hayatidin ayrilghanlarni xatirilesh paaliyitide béyjing bilen qoyuq alaqini saqlap qalidighanliqi toghrisida wede berdi.
türkiye awazi radiyosi xewiri: KCNA xewer agéntliqi, shimaliy koréye rehbiri koréye urushida hayatidin ayrilghan xitay eskerlirige bolghan hörmetni ipadilesh üchün yasalghan dostluq munarini ziyaret qilghanliqini, buning kim jongun 2011- yili wezipige olturghandin buyanqi üchinchi qétimliq ziyaret ikenlikini xewer qildi.
kim jongun paytext pyongyangda ötküzülgen murasimda koréye urushida hayatidin ayrilghan xitay eskerlirige éhtiram bildürdi we u yerde söz qilip: «shimaliy koréye éghir sinaqlarni bashtin kechürüwatqan bir peytte janlirini tikip, koréye xelqining muqeddes we tarixiy kürishige yardem qilghan xitay xelqining muweppeqiyetliri menggü yashaydu» dédi.
kim jongun yene, ikki dölet otturisidiki dostluq rishtisining ortaq nishanni boylap ewladmu ewlad dawamlishidighanliqini tekitlidi.
xitay, urush toxtitish kélishimi bilen axirlashqan koréye urushida, jenubiy koréye we amérika bashchiliqidiki b d t qisimlirigha qarshi shimaliy koréyening sépide turup urush qilghanidi.
