خىتايدا يېڭى بىر مېھمانخانا بىناسى ئۆرۈلۈپ چۈشۈپ 17 كىشى ئۆلدى
خىتايدا بىر مېھمانخانا بىناسىنىڭ ئۆرۈلۈپ كېتىشى نەتىجىسىدە ئۆلگەنلەرنىڭ سانى 17 گە چىقتى.
1675102
تۈركىيە ئاۋازى رادىيوسى خەۋىرى: خىتاينىڭ جياڭسۇ ئۆلكىسىگە قاراشلىق سۇجۇ شەھىرىدە 12-ئىيۇل كەچتە ئۆرۈلۈپ چۈشكەن مېھمانخانىدىكى ئىزدەپ- قۇتقۇزۇش خىزمەتلىرى ئاخىرلاشتى.
سۇجۇ شەھەرلىك ھۆكۈمەت ئەمەلدارى بىنا خارابىلىكى ئاستىدىن 23 كىشىنىڭ قۇتقۇزۇلغانلىقىنى ۋە 17 كىشىنىڭ قازا قىلغانلىقىنى ئۇقتۇردى.
قۇتقۇزۇۋېلىنغانلاردىن 5 كىشىنىڭ بالنېستقا ئېلىنغانلىقى ئەسكەرتىلدى.
ئالاقىدار مەسئۇللار، مېھمانخانىنىڭ ئۆرۈلۈپ چۈشۈش سەۋەبى ئۈستىدە تەكشۈرۈش ئېلىپ بېرىلىدىغانلىقىنى بىلدۈردى.
54 ياتاقلىق مەزكۇر مېھمانخانانىڭ 2018-يىلى ئىشقا كىرىشتۈرۈلگەن يېڭى بىنا ئىكەنلىكى بىلدۈرۈلدى.
