katolik dunyasining papasi opératsiye qilindi
katoliklarning meniwi dahiysi we watikanning pirézidénti papa firansisjus chong ücheydiki biaramliq sewebidin opératsiye qilinish üchün rimdiki (italiyening paytextidiki) bir doxturxanida balnéstqa élindi.
türkiye awazi radiyosi xewiri: watikanning bayanatida, papaning ilgiri chong üchey tayaqche baktériyesi qétishish késelliki sewebidin aldin pilanlanghan opératsiye üchün yekshenbe küni chüshtin kéyin rimdiki gémélli doxturxanisigha yatquzulghanliqi bildürüldi.
bayanatta, papaning opératsiyedin kéyin salametliki heqqide uchur bérilidighanliqi uqturuldi.
italiye metbuatliridiki xewerlerge asaslanghanda, papa firansisjus yekshenbe küni chüshtin kéyin doxturxanigha élip bérilip, kech terepte opératsiye qilinghan.
84 yashliq papaning opératsiyedin kéyin doxturxanida texminen 5 kün turushqa éhtiyajliq ikenliki bildürülmekte.
bu ariliqta, papa firansisjusning 2013-yili papa bolup saylanghandin buyan tunji qétim doxturxanida opératsiye qilinghanliqi uqturuldi.
papaning balnéstqa élinghanliqigha dair xewer tarqalghandin kéyin, her qaysi dölet rehberlerdin shipaliq téligen uchurlar kélishke bashlidi.
italiye pirézidénti sérgiyo mattarélla, malta pirézidénti jorj wélla we yawropa parlaménti bashliqi dawid sasoli papagha «sheipaliq téekliri» ni yollidi.
