йавропа иттипақи ваксина гуаһнамиси бәлгилимисини иҗра қилишни рәсмий башлиди
йавропа иттипақиниң сайаһәтләрни асанлаштуруш үчүн тәййарлиған вухән вируси (Kovid-19) ваксина гуаһнамиси бәлгилимисини иҗра қилиш, бүгүн (2021-йили 1-ийул) башланди.
түркийә авази радийоси хәвири: йавропа иттипақи чегралири ичидики сайаһәтләрдә ваксина гуаһнамиси бәлгилимисини иҗра қилиш рәсмий башланди. буниң билән, йавропа иттипақи дөләтлиридин айропилан билән сәпәр қилғанда, айропиланға чиқиштин бурун гуваһнамини көрситиш керәк.
йавропа иттипақи диҗитал гуаһнамиси һәқсиз болуп, қәғәз йаки диҗитал шәкилдә тәййарлиниду. айримичилиқниң алдини елиш мәқситидә, ваксина әмләтмигән кишиләрму гуаһнамини алалайду. ваксина гуаһнамиси кишиләрниң вухән вируси ваксинаси әмләткән йаки әмләтмигәнлики, әмләткән болса қәйәрдә вә қайси ваксинани әмләткәнлики тоғрисидики учурларни, вухән вируси билән йуқумланғанларниң саламәтликиниң әслигә кәлгәнликини билдүридиған испатни вә вухән вируси тәкшүрүшиниң мәнпий нәтиҗисини өз ичигә алиду.
вухән вируси тәкшүрүш нәтиҗисиниң «PCR» түрлири, сайаһәттин 72 саәт бурун күчкә игә болиду.
тез тәкшүрүш нәтиҗиси 48 саәт бурунқи вақитни көрситидиған болсиму, бу нәтиҗини етирап қилиш-қилмаслиқни һәр бир дөләт өзи қарар қилиду.
йавропа иттипақида тәстиқланған файзер, модерна, астразенека вә җонсон вә җонсон ваксиналириниң иккинчи қетимлиқини әмлитип, аридин икки һәптә өткән кишиләргә қошумчә синақ йаки карантинға охшаш чариләр көрүлмәйду.
гуаһнамә, йавропа иттипақи пуқралириға, қайси дөләтниң пуқраси болуштин қәтийнәзәр аилилиригә, йавропа иттипақида туридиған, әмма йавропа иттипақи пуқраси болмиған кишиләр билән йавропа иттипақида сайаһәт қилиш һоқуқиға игә кишиләргә берилиду.
ваксина гуаһнамиси барлиқ йавропа дөләтлири билән бирликтә, исландийә, норвегийә вә шивейтсарийә қатарлиқ дөләтләрдиму күчкә игә болиду.
