pakistan xewpsizlik kéngishidin keshmirlik balilarni qoghdashni telep qildi
pakistanning birleshken döletler teshkilatida turushluq daimiy wekili munir ekrem, birleshken döletler teshkilati xewpsizlik kéngishini toqunush rayonliridiki, bolupmu jammu keshmirdiki balilarning qoghdilishi üchün derhal tedbir qollinishqa chaqirdi.
türkiye awazi radiyosi xewiri: pakistan taratqulirining xewer qilishiche, pakistanning birleshken döletler teshkilatida turushluq daimiy wekili munir ekrem, birleshken döletler teshkilati xewpsizlik kéngishige qilghan yazma chaqiriqida, hindistan dölet xewpsizlik küchlirining qesten balilarni tapancha bilen hujum nishani qiliwatqanliqini eskertish bilen bir waqitta, yalghan toqunushlar we axturush heriketliri dawamida eyallar we balilarnimu öz ichige alghan 300 din artuq mesum keshmirlikning ölüp ketkenlikini bildürüp, birleshken döletler teshkilati xewpsizlik kéngishini, toqunush rayonliridiki, bolupmu jammu keshmirdiki balilarning qoghdilishi üchün derhal tedbir qollinishqa chaqirghan.
birleshken döletler teshkilati bash katipi antonyo gutérésh, tünügün «balilar we qoralliq toqunush» namliq birleshken döletler teshkilatining doklatida, jammu keshmirdiki kishilik hoquq depsendichiliklirige qarita endishilirini otturigha qoyup, hindistan hökümitidin balilargha qarshi tapancha ishlitishni toxtitishni telep qilghanidi.
pakistan tashqi ishlar ministirliqining ammiwi ortaqlishish tor béti Twitter sehipiside élan qilinghan bayanattimu, birleshken döletler teshkilatining doklatining xursen qilarliq ish ikenliki bildürülgen, hemde birleshken döletler teshkilati bash katipi antonyo gutéréshning, keshmirde hindistan sadir qilghan kishilik hoquq depsendichiliklirini höjjetleshtürüshke qarita tirishchanliqlirigha yuqiri baha bérilgenidi.
مۇناسىۋەتلىك خەۋەرلەر
