firansiyede musulmanlarni kemsitidighan qanun layihesi naraziliq qozghidi
firansiyede «bölgünchilikke qarshi turush» namida musulmanlarni hujum nishani qilghan qanun layihesige dölet mejlisimu naraziliq bildürdi.
türkiye awazi radiyosi xewiri: bezi öktichi parlamént ezaliri bu qanun layihesining musulmanlarni kemsitidighanliqini ilgiri sürdi.
boyun egmes firansiye partiyesining parlamént ezasi alékis korbiér bu qanun layihesini qollaydighan parlamént ezalirining qarangghu arzuliri barliqini tilgha élip, «qanun layihesidin paydilinip, milyonlighan musulman puqralirimizni qarilimanglar, kemsitmenglar» dédi.
parlamént ezasi lamya el araje bolsa, dölet mejliside chetke qéqish xaraktérliq bir qanun layihesining muzakire qiliniwatqanliqini tekitlidi.
«jumhuriyet qanunigha hörmetni kücheytish pirinsipliri» namliq qanun layihesi firansiye parlaméntida ikkinchi qétim muzakire qilindi.
bu qanun layiheside mektep sayahetliride oqughuchilargha hemrah bolidighan anilar bilen 18 yashtin töwen qizlarning bash yaghliq artishi meniy qilinidu.
qanun layihisige yene resmiy tenterbiye musabiqiliridimu bash yaghliqni cheklesh kirgüzülgen bolup, qanun layihisining iyul éyida axirida maqullinishi mölcherlenmekte.
