nigériyede tiwittér cheklimisige xilapliq qilghanlarni sotqa tartish qarar qilindi
edliye ministirliqining bayanatchisi ömer jibrilu gwando élan qilghan yazma bayanatida, edliye ministiri we bash teptish ebubekir malamining fédératip hökümet yolgha qoyghan tiwittér cheklimisige xilapliq qilghanlarni sotlashni buyrighanliqini bildürdi.
türkiye awazi radiyosi xewiri: malami sotqa tartish qararining téz ijra qilinishi üchün nigériye uchur - alaqe komitéti shundaqla nigériye alaqe we digital iqtisad ministirliqi bilen özara hemkarlishidighanliqini eskertti.
nigériye pirézidénti muhemmed buxari döletning sherqiy jenubidiki ammiwi binalargha hujum qilghan yash topilangchilar heqqide 1 -iyun tiwittér hésabida élan qilghan bayanatida, 1967-yildin 1970-yilghiche bolghan ariliqta dölette 1 milyon kishining qaza qilishigha saweb bolghan ichki urushni eskertip, «biz bu sahede 30 ay küresh qilduq, ulargha chüshinidighan til bilen muamile qilimiz» dégen idi.
tiwittér buxarining bu yazmisini öchürüp tashlap, hésabini tonglitip qoyghan idi.
bu weqedin kéyin, nigériye hökümiti 4- iyunda tiwittérning dölettiki barliq paaliyetlirini ikkinchi buyruq kelgenge qeder toxtatqanliqini élan qilghan idi.
