pelestin b d t ni derhal heriketke ötüshke chaqirdi
pelestin bash ministiri muhemmed ishtiyye, birleshken döletler teshkilatini israiliyening ghezze rayoni, iyordan deryasining gherbiy qirghiqi we quddusta dawamlashturuwatqan hujumlirini toxtitishi üchün derhal heriketke ötüshke chaqirdi.
türkiye awazi radiyosi xewiri: pelestin bash ministiri muhemmed ishtiyye, pelestin xewer agéntliqi (wafa) gha bergen bayanatida, mundaq dédi: «iyordan deryasining gherbiy qirghiqida ishghal küchliri teripidin sadir qiliniwatqan qanliq qetliamlardin sirt yene, yehudiy köchmenlerning 1948 – yilqi térrotériyelerde pelestin xelqige qarshi élip bériwatqan irqchiliq hujumlirini qattiq eyibleymen.»
pelestin dölet reisi mehmud abbasning yolyoruqigha asasen, israiliyening bu hujumliri sewebidin israiliye üstidin xelqara jinayi ishlar sot mehkimisige erz sunulidighanliqini éytqan ishtiyye, (rusiye, amérika qoshma ishtatliri, birleshken döletler teshkilati wae yawropa ittipaqidin ibaret) ottura sherq 4 terep guruhinimu, ishghalning axirlishishi we paytexti quddus bolghan musteqil pelestin dölitining qurulushi bilen netijilinidighan siyasiy hel qilish yolining échilishi üchün heriketke ötüshke chaqirdi.
