tramp baydinning siyasetlirini eyiblep: u rusiye bilen xitayni yéqinlashturuwatidu, dédi

türkiye awazi radiyosi xewiri: sabiq pirézidént tramp «foks xewerler qanili» din séan hannityning biwasite tarqitilidighan söhbet pirogrammisigha qatniship, küntertiptiki mesililerge dair qarashlirini otturigha qoydi.

tramp özining pirézidéntliqi mezgilide rusiye pirézidénti wladimir putin we shimaliy koréye rehbiri kim jongungha oxshash kishiler bilen yaxshi chüshinishkenlikini we öz rayonidiki küchlük rehberler bilen alaqe qilishining amérika üchün yaxshi ish ikenlikini éytti.

tramp baydin hökümitining rusiyege qaratqan siyasitini tenqidlep: «rusiyeni xitayning qoligha ittirishning ornigha, rusiye bilen chüshinish hasil qilip, soda qilishimiz kérek. bizning qilalaydighan eng nachar ishimiz xitay bilen rosiyeni özara yéqinlashturush. nöwette ular birlikte» dédi.

 (kowid – 19) yuqumi bashlighuche özining xitay dölet reisi shi jinping bilenmu yaxshi ötkenlikini tilgha alghan tramp, xitay bilen tüzgen soda kélishimining amérikaliq ishlepchiqarghuchilar üchün intayin paydiliq bolghanliqini bildürdi.

u, amérika qoshma ishtatlirining jenubiy chégrasida yéqinqi mezgillerde köpiyip ketken köchmenler mesilisidimu baydin hökümitini eyiblep, baydinning siyasetlirining döletke zor ziyanlarni  élip kelgenlikini ilgiri sürdi.

donald tramp chégradiki ehwal toghrisida toxtilip: «nahayiti qorqunchluq ishlar yüz bériwatidu؛ ular dölitimizni weyran qiliwatidu. kishiler bu yerge topliniwatidu, ilgiri bu derijide bundaq ish yüz bermigenidi» dédi.