yaponiyede 65 yashtin yuqiridikilerni emlesh bashlandi
yaponiyede waksina emlesh xizmetliri pilan-layiheler dairiside 65 we uningdin yuqiri yashtikilerge wuxen wirusi (Kovid-19) waksinasi emlinidu.
türkiye awazi radiyosi xewiri: yaponiye sehiye, emgek we parawanliq ministirliqi dölet nopusining texminen %30 ni teshkil qilidighan 65 yash we uningdin yuqiri yashtiki kishilerni emlesh musapisini bashlidi.
kyodo agéntliqi yaponiyening 47 ishtatining 39 ida 65 yashtin yuqiridiki kishilerge ambolatoriye, jemiyet merkezliri we tenterbiye zalliri qatarliq jaylarda waksina emlengenlikini xewer qildi.
yaponiye sehiye, emgek we parawanliq ministirliqining melumatlirigha asaslanghanda, 2021-yili 9-apréldin bashlap pütkül dölettiki 1.1 milyon sehiye xadimlirining birinchi qétimliq waksina emlesh ishliri axirlashqan. may éyining üchinchi heptiside 4.8 milyon sehiye xadimini emlesh pilan qilinmaqta iken.
hökümet jemiy 314 milyon dane waksinaning biyonték-fayzér, astrazénéka we modérna shirketliridin zakas qilinghanliqini élan qilghan idi.
