amérika «esebiylikke qarshi turush xizmet guruppisi» qurdi
amérika mudapie ministirliqi — péntagon, nuqtiliq halda armiye ichidiki aq tenlikler irqchiliqigha qarshi küresh qilish üchün «esebiylikke qarshi turush xizmet guruppisi» qurup chiqti.
1618694
türkiye awazi radiyosi xewiri: 6 – yanwardiki dölet mejlisige basturup kirish weqesige köp sanda dem élishqa chiqqan eskerlerning arilishishi, amérika mudapie ministirliqini seperwerlikke keltürdi.
dölet mudapie ministiri lloyid ostin omumiy uqturush tarqitip, armiyening esebiylikke qarshi küresh qilish guruppisi qurup chiqqanliqini bildürdi.
uqturushta, péntagondin «ashqunluq» ning éniqlimisigha qayta qarap chiqish telep qilindi we tekshürüsh netijiside bu uqumgha qaytidin éniqlima bérilidighanliqi qeyt qilindi.
armiyedin ayrilghanlarning normal turmushigha alaqidar belgilimilerge yéngi belgilimilerning qoshulidighanliqi bayan qilinghan mezkur uqturushta, eskerlikke qobul qilish we herbiy xizmettiki eskerlerning tekshürülüshi jeryanida sorilidighan soallarghimu özgertishler kirgüzülidighanliqi otturigha qoyuldi.
مۇناسىۋەتلىك خەۋەرلەر
