германийәдә 60 йаштин йуқириларға астразенека ваксинаси тәвсийә қилинди

түркийә авази радийоси хәвири: германийә баш министири ангела меркел сәһийә министири җенс шфан (Jens Spahn) билән баш министирлиқ бинасида өткүзгән ахбарат елан қилиш йиғинида, даимий ваксина комитетиниң астразенека ваксинасини 60 йаштин төвәнләргә әмләшни тохтитип, пәқәт 60 йаштин йуқириларға әмләшни тәвсийә қилғанлиқини билдүрди.

ангела меркел даимий ваксина комитети тәвсийәлириниң нурғун музакирәләрдин кейин қарар қилинғанлиқини алаһидә әскәртип: «сәл қарашқа болмайдиған амиллар бар» деди.

меркел бу вәқәләрниң һәммисиниң ениқсизлиқ пәйда қилидиғанлиқини билидиғанлиқлирини, әмма бу хил әһвалға тақабил турушниң әң йахши усулниң очуқ-ашкарилиқ икәнликини оттуриға қойди.

меркел вухән вирусиға қарши турушта ваксина тепишниң бир пурсәт икәнликини тәкитләп, ваксина әмләш нөвити кәлгәндә, астразенека ваксинасини әмлитиши мумкинликини ейтти.

йәнә бир тәрәптин, германийә сәһийә министири җенс шфан астразенеканиң 60 йаштин йуқиридикиләргә йахши үнүм көрситидиғанлиқини билдүрүп, бу йаш гурупписидики һәммә кишини мәзкур ваксина имканийитидин пайдилинишқа чақирди.