amérika – xitay söhbiti axirlashti

türkiye awazi radiyosi xewiri: uda ikki kün dawamlashqan söhbetke, amérika qoshma ishtatliri tashqi ishlar ministiri antoni blinkén bilen dölet xewpsizlik ishliri meslihetchisi jeyk sulliwan, xitay tashqi ishlar ministiri wang yi bilen xitay kompartiyesi merkiziy komitéti tashqi ishlar  komitéti ishxanisining mudiri yang jyéchi qatnashti.

amérika qoshma ishtatliri tashqi ishlar ministiri antoni blinkén, bu heqte axbarat wasitilirigha élan qilghan bayanatida, mundaq dédi: «biz uyghur éli, xongkong, teywen we tor hujumliri qatarliq mesililerde, xitay bilen, asasliq talash-tartishliq nuqtilarni bilgen halda bir yerge jem bolduq,  ochuqini éytqanda, biz bu mesililerni ochuq-ashkara we biwasite otturigha qoyghinimizda, ensiz jawabqa érishishimiz heyran qalarliq ish emes idi.»

blinkén,  xitay dairiliri bilen, hem iran, shimaliy koréye, afghanistan we kilimat özgirishi qatarliq keng dairilik mesililer heqqide, hemde  béyjingning soda – iqtisad paaliyetliri toghruluq söhbet élip barghanliqlirini qeyt qildi.

yene bir tereptin, amérika taratqulirida, söhbetni közetken xitay axbarat wasitiliri mensupliri menbe körsitilip élan qilinghan xewerlerde, xitay dairilirining söhbetni «ijabiy we paydiliq söhbet boldi, emma ixtilaplarmu bar » dep bayan qilghanliqlirigha orun bérildi.

tunji künidiki söhbetning axbarat wasitilirigha ochuq bölümide, blinkén bilen sulliwan, teywen, xongkong alahide memuriy rayoni, uyghur aptonom rayoni we tor hujumliri qatarliq mesililerde qattiq endishe qiliwatqanliqlirini bildürüp, xitayni tenqid qilghanidi.

xitay heyiti bolsa, tenqidlerge, «amérika qoshma ishtatliri xelqara jemiyetke wekillik qilalmaydu, washington hökümitining xitaygha yuqiri tereptiki perdining arqisidin sözlesh hoquqi yoq.» teriqiside inkas qayturghanidi.