xitay tésla markiliq aptomobillarning herbiy muesseselerge kirishini cheklidi
xitay armiyesi bixeterlik sewebidin amérika tok aptomobil ishlepchiqarghuchi tésla shirkitining tésla markiliq aptomobillirining herbiy binalar we turalghulargha kirishini cheklidi.
+ türkiye awazi radiyosi xewiri:Bloomberg ning xewer qilishiche, xitay qoralliq qisimliri, téslaning aptomobilliridiki kaméralardin herbiy muesseselerdin «sezgür sanliq melumatlar» ni toplash éhtimalliqining barliqidin endishe qilip, tésla markiliq aptomobillarning herbiy muesseselerge kirishini chekligen.
herbiy dairilerge chüshürülgen buyruqta, «téslaning aptomobilliridiki köp yönilishlik kaméra we ultra awaz dolqunidiki sénzorlarning bezi jaylarni ashkarilishi mumkinliki we herbiy melumatlarning bixeterlikini qoghdash üchün bu aptomobillarning herbiy muesseselerge kirishining cheklengenliki» qeyt qilinghan, hemde tésla markiliq aptomobil sahiblirining, mashinisini herbiy muesseselerning sirtida toxtitish buyruqi chüshürülgen.
igilinishiche, tésla markiliq aptomobillarning, mashina toxtitish we toluq aptomatik heydesh sistémisigha yardemchi bolush üchün, mashina ichi - sirtida köp sanda kamérasi bar iken.
