baydin: putin bedel töleydu, yéqinda körsiler
amérika pirézidénti jo baydin: «rusiye pirézidénti wladimir putin amérika saylamlirigha qol tiqqanliqi üchün bedel töleydu» dédi.
türkiye awazi radiyosi xewiri: amérika pirézidénti jo baydin «a b s niyus» (ABC News) qanilining ziyaritini qobul qilghanda, putinning 2020-yili ötküzülgen pirézidéntliq saylimida sabiq pirézidént donald trampning ghelibe qilishi üchün saylamgha qol tiqqanliqi sewebidin «bedel töleydighanliqi» ni éytti.
jo baydin «qandaq bedel töleydighanliqi» heqqidiki soalgha: «pat yéqinda körisler» dep jawab berdi.
u yene, rusiye pirézidénti putingha «qatil» dep baha berdi.
amérika dölet xewpsizlik istixbarat idarisi teripidin élan qilinghan 15 betlik doklatta, rusiyening saylam mezgilide, démokrat namzat jo baydingha qarshi «xata uchurlar» ni tarqatqanliqi qeyt qilinghan idi.
doklatta, baydin ailisi bilen ukraina otturisidiki pul-muamile ishlirigha munasiwetlik xewerlerde, moskwaning qoli barliqi ilgiri sürülgen bolup, bu arqiliq baydinning namzatliqining ajizlitishning meqset qilinghanliqi bildürülgen idi.
