bérmadiki namayishta bixeterlik qisimliri teripidin öltürülgen namayishchilarning sani 11 ge yetti
bérmada herbiy siyasiy özgirishke we saylanghan hökümet ezalirining qamaqqa tashlinishigha naraziliq bildürgen namayishchilargha bixeterlik qisimlirining qattiq mudaxile qilishi sewebidin qaza qilghanlarning sani 11 ge yetti.
türkiye awazi radiyosi xewiri: yerlik axbarat orgini «bérma awazi» ning xewirige asaslanghanda, bérmaning nurghun jayliridiki namayishlarda bixeterlik qisimliri heqiqiy oq ishlitip namayishchilargha mudaxile qilghan.
yüz bergen weqeler netijiside, mandalaydiki namayishta 2 ayalni qoshqanda 5 kishi qaza qilghan, 10 din artuq kishi yarilanghan.
yanggonda 4 adem qaza qilghan bolsa, piyay shehiridiki namayishta 19 yashliq bir oqughuchining ölümi bilen qaza qilghanlarning sani 2 ge yetken.
bixeterlik qisimlirining qattiq arilishishigha qarimastin, dölet miqyasida siyasiy özgirishke qarshi namayishlar dawamlashmaqta.
yanggon, mandalay, magway, saging we bago qatarliq rayonlarda xelq bixeterlik qisimlirining zorawanliqini eyiblimekte we siyasiy özgirishtin kéyin qolgha élinghanlarning qoyup bérilishini telep qilmaqta.
