yawropa ittipaqi xitay bilen bolghan munasiwetliride téximu éhtiyatchan bolidu

türkiye awazi radiyosi xewiri: yawropa tashqi munasiwetler we xewpsizlik siyasitliri aliy wekili josép borrél (Josep Borrell) xongkongda saylam tüzümi özgertilgendin kéyin, yawropa ittipaqining xitay bilen bolghan munasiwetlirining bir parchisi süpitide, xongkonggha téximu köp diqqet qilidighanliqini we «élawe qedemler» bésishqa qarap chiqidighanliqini bildürdi.

u yawropa ittipaqi namida bayanat élan qilip, xitayning eng yuqiri qanun chiqirish orgini bolghan memliketlik xelq qurultiyining, xongkong alahide memuriy rayonining saylam tüzümini özgertish toghrisidiki qararni qobul qilghanliqi üstide toxtaldi.

u mezkur qararning hésab bérishchanliq we siyasiy köp sanliqqa zerbe béridighanliqini eskertip, xongkong xelqining yolluq bolghan wekillik qilish hoquqining buzghunchiliqqa uchraydighanliqini qeyt qildi.

u yawropa ittipaqining xongkongdiki asasiy erkinlik hoquqliri, démokratik pirinsip we siyasiy köp sanliqning barghanséri éshiwatqan bésim astida qalghanliqidin qayghuruwatqanliqlirini, yéngi qararning «bir dölet, ikki xil tüzüm» pirinsipigha xilapliq qilish bolidighanliqini tekitlidi.

xitay dairiliri xongkongdiki saylam tüzümige özgertish kirgüzüsh arqiliq rayonda siyasettin sotqiche bolghan nurghun sahede wetenperwer xongkongluqlarning hakimiyet béshigha kélishini ümid qilidighanliqlirini bildürgen idi.

mezkur qarar, 2020-yili iyul éyida xongkongda ijra qilinghan dölet xewpsizlik qanunigha naraziliq bildürgen öktichilerning, saylamda téximu küchlinip aldinqi orunni igellishige qarshi bésilghan qedem dep qaralmaqta. xongkongda