aqdéngizda jénidin ayrilghan köchmenler sani ashmaqta
bu yil aqdéngiz linyesi arqiliq yawropa sahillirigha barmaqchi bolghan 190 köchmenning jénidin ayrilghanliqi bildürüldi.
türkiye awazi radiyosi xewiri: bu yil (2021) aqdéngiz linyesi arqiliq yawropa sahillirigha barmaqchi bolghan 190 qanunsiz köchmen jénidin ayrildi.
b d t musapirlar aliy komissariyati we xelqara köch teshkilati(IOM) teripidin élan qilinghan ortaq yazma bayanatta, yéqinqi künlerde aqdéngizda yüz bergen köchmen tiragédiyelirining, izdesh-qutquzush xizmetlirining ehmiyitini yene bir qétim otturigha qoyghanliqi tekitlendi.
bayanatta, tünügün (2021-yili 10-mat) tunisning jenubigha jaylashqan sfaks (Sfaks) wilayitining déngiz tewelikide qanunsiz köchmenler olturghan ikki qolwaqning sugha chöküp kétishi netijiside, 39 köchmenning jénidin ayrilghanliqi we buningdin chongqur qayghurulghanliqi qeyt qilindi.
bu yil aqdéngiz linyesi arqiliq yawropa sahillirigha barmaqchi bolghan 190 köchmenning jénidin ayrilghanliqi bildürülgen bayanatta, shimaliy afriqa döletliridin italiyege qedem basqan köchmenler sanining 5 ming 700 ge yetkenliki eskertildi.
b d t musapirlar aliy komissariyati we xelqara köch teshkilatining melumatlirigha asaslanghanda, bu yil pütkül aqdéngiz tewelikide 251 qanunsiz köchmen jénidin ayrilghan we dunya miqyasida jénidin ayrilghan qanunsiz köchmenler sani 446 ge chiqqan.
