amérika daéshning démokratik kongo we mozambik guruppilirini «qara tizimlik» ke kirgüzdi
amérika qoshma ishtatliri tashqi ishlar ministirliqi daéshning démokratik kongo we mozambik guruppilirini «térrorluq teshkilatliri tizimliki» ge kirgüzdi we teshkilatning bu 2 dölettiki kattibashlirini «yer shari xaraktérlik alahide térrorchilar» dep atidi.
türkiye awazi radiyosi xewiri: amérika qoshma ishtatliri tashqi ishlar ministirliqi teripidin bu heqte élan qilinghan yazma bayanatta, térrorluq teshkilati daéshning démokratik kongo guruppisi depmu bilinidighan ittipaqdash démokratik küchler we mujahidin teshkilatlirining, «chet el térrorluq teshkilatliri tizimliki» ge kirgüzülgenliki, hemde teshkilatning kattibéshi seqa musa balukuning, «yer shari xaraktérlik alahide térrorchi» dep atalghanliqi eskertildi.
térrorluq teshkilati daéshning mozambik guruppisi ikenliki qeyt qilinghan ensarus sunne teshkilatiningmu tizimlikke kirgüzülgenliki bildürülgen bayanatta, teshkilatning kattibéshi ebu yasir hessanning «yer shari xaraktérlik alahide térrorchi» qilip békitilgenliki tekitlendi. bu dairide, bu teshkilatlar bilen munasiwiti bar shexsler we orunlar – teshkilatlarning mal – mülüklirining tonglitip qoyulghanliqi, amérika puqralirining bu teshkilatlar we shexsler bilen alaqe qilishining cheklengenliki uqturuldi.
