erméniye pirézidénti bilen bash ministiri otturisida ziddiyet körüldi

türkiye awazi radiyosi xewiri: erméniye pirézidénti armén sarkisyan pashinyanning gasparyanni wezipisidin qaldurghan qararnameni asasiy qanun mehkimisige ewetti.

erméniye bash ministirliq mehkimisining bayanatigha asaslanghanda, pashinyan pirézidént sarkisyanning gasparyan wezipisidin qaldurulghan qararnameni imzalimighanliqini bildürüp, uning qanun boyiche qararnameni asasiy qanun mehkimisige waqtida ewetmigenlikini eskertti.

pashinyan: «bügündin bashlap armiye ishtab bashliqi onik gasparyan wezipisidin qaldurulghan hésablinidu» dédi.

erméniye pirézidéntliq mehkimisi ilgiri bu heqte bayanat élan qilip, mezkur qararnamening asasiy qanun mehkimisige ewetilishi üchün waqit békitilmigenlikini bildürgen idi.

 erméniye pirézidéntliq mehkimisi sarkisyanning qararnamesining asasiy qanungha uyghun yaki emeslikini békitish üchün asasiy qanun mehkimisige iltimas sunulghanliqini jakarlidi.

erméniye pirézidénti sarkisyan asasiy qanun mehkimisining hoquqi ramkisida, gasparyanning wezipisidin qaldurulushi toghrisida keng dairilik tekshürüsh we qarar chiqirish imkaniyitige ige ikenlikini eskertip: «asasiy qanun mehkimisining mezkur mesilidiki qarari we élinidighan tedbirler, mewjut ehwalgha munasiwetlik hazirqi we kélechektiki musapilerge muhim tesirlerni körsitishi mumkin» dédi.

sarkisyan asasiy qanun mehkimisining eng qisqa waqit ichide muwapiq qarar bérishining, mewjut kirizisning hel qilinishigha paydiliq ikenlikini tekitlidi.

erméniye armiye ishtab bashliqi onik gasparyan we yuqiri derijilik qomandanlar, 2021-yili 25-féwral bash ministir pashinyan istépagha chaqirilghan xitabnamige imza qoyup, pashinyangha ultimatom tapshurghan idi. pashinyan bolsa, derhal armiye ishtab bashliqi gasparyanni wezipisidin qaldurghanliqini élan qilip, istépa chaqiriqini «herbiy özgirish urunushi» dégen idi.

öktichilerni qollash pozitsiyeside bolghan pirézidént sarkisyan, gasparyan wezipisidin qaldurulghan qararnameni imzalimighan idi.