qatar seudi erebistanning bixeterliki we muqimliqini qollaydighanliqini élan qildi
yemende yéqinqi künlerdin buyan iranning qollishi asitidiki xusiylarning hujumliri ewj alghandin kéyin, qatar seudi erebistanning bixeterliki we muqimliqini qollaydighanliqini élan qildi.
türkiye awazi radiyosi xewiri: qatar emirlik kéngishining yazma bayanatigha asaslanghanda, qatar emiri sheyx temim bin hamid el sani we seudi erebistan text warisi muhemmed bin selman bilen téléfonda körüshken.
sheyx temim téléfon söhbitide, öz dölitining seudi erebistanning igilik hoquqi, bixeterliki we muqimliqini qollaydighanliqini, seudi erebistanning muqimliqining qatar we pars qoltuqi hemkarliq kéngishigha eza döletllerning muqimliqining ayrilmas bir qismi ikenlikini bildürgen.
söhbette rayon xaraktérliq we xelqaraliq weziyetlerni muzakire qilghan bin salman bilen sheyx temim pars qoltuqi döletlirining ortaq herikitini qollash jehette pikir birliki hasil qilghan.
qatar tashqi ishlar ministirliqimu buningdin ilgiriki yazma bayanatida, xusiylarning seudi erebistangha qilghan ballistik bashqurulidighan bomba we uchquchisiz ayropilan hujumlirini qattiq eyibligen idi.
