gérmaniyede süriye istixbarati üchün ishleydighan bir kishige 4.5 yilliq qamaq jazasi bérildi
gérmaniyede süriye istixbarati üchün ishleydighan eyad el gharip «insaniyetke qarshi jinayetke yardem bérish» bilen eyiblendi.
türkiye awazi radiyosi xewiri: gérmaniye tashqi ishlar ministiri hayko mas gérmaniyediki bir sot mehkimisining süriye istixbarati üchün xizmet qilidighan eyad el gharipni «insaniyetke qarshi jinayetke yardem bérish» bilen eyiblep, 4.5 yilliq qamaq jazasi bergenlikige qarita «tarixiy ehmyetke ige bir qarar» dep baha berdi.
hayko mas tiwittérdiki bayanatida, bu qararning süriyediki qiyin-qistaqlarda jawabkarliqi bolghan kishilerni hésabqa tartidighan we héch bolmighanda azraq bolsimu adalet berpa qilidighan tunji qarar bolghanliqini bildürdi.
hayko mas bu qararning nurghun kishilerge nisbeten simwolluq ehmiyetke ige ikenlikini tekitlidi.
hayko mas bérlinda ötküzülgen muxbirlarni kütüwélish yighinida, bu heqtiki soallargha jawab bérip, «aqiwette, bu délo xelqaraliq jinayet sadir qilghan herqandaq birsining özini bixeter hés qilmaydighanliqini éniq körsitip qoydi» dédi.
süriyede sadir qilinghan jinayetlerni ashkarilash we andin edliye organlirigha tapshurush üchün aktip tirishchanliq körsetkenlikini bayan qilghan mas, bu jehette birleshken döletler teshkilatining delil-ispat toplash méxanizmini muhim dep qaraydighanliqini, eksiche bolghanda bu xil délolarning netijige érishelmeydighanliqini bildürdi.
koblénz ölkilik aliy sot mehkimisi tünügün élan qilghan qarar arqiliq eyad el gharipning süriye istixbarat orgini xizmetchisi bolush süpiti bilen 2011 - yili küzdiki ereb bahari namayishlirida 30 namayishchini qiyin-qistaqqa élish üchün bir türmige yötkeshke yardem bergenliki ispatlighan idi.
مۇناسىۋەتلىك خەۋەرلەر
