ispaniyediki namayishlargha saqchilar mudaxile qildi
ispaniyede qolgha élish qarari bilen 16-féwralda türmige tashlanghan rap naxshichisi pablo xasélning qoyup bérilishini telep qilip bashlanghan namayishlar 8-künige qedem qoydi.
türkiye awazi radiyosi xewiri: radikal solchil guruppilarning chaqiriqi bilen bashlanghan ruxsetsiz namayishlar tünügün kechte kataloniyening barsélona shehirige merkezleshti.
barsélonaning oxshimighan nuqtilirigha toplanghan kichik guruppilarning paaliyetliri jeryanida ilgirikige oxshashla yene zorawanliq we buzghunchiliqlar yüz berdi.
namayishchilar yürüsh qilish yolidiki shishe yéghish sanduqlirini örüp, ichidin chiqarghan botilkilarni saqchilargha atti.
las kols meydanida bir zorawan guruppa dukanlargha we saqchi mashinilirigha boyaqlar bilen tashlarni étip hujum qildi.
saqchilar namayishchilarni pat-pat mudaxile qilish arqiliq weqelerning jiddiyliship kétishining aldini aldi.
kataloniye buzghunchiliq sewebidin 1 milyon yawrodin artuq ziyangha uchritildi. hazirghiche 109 namayishchi qolgha élindi. saqchilarni öz ichige alghan 90 din artuq kishi yarilandi.
tiwittérda hembehirligen uchurlirida we naxshilirida térorluqni ulughlaydighan sözlerni ishlitip, padishahqa we dölet organlirigha haqaret qilghanliqi sewebidin 9 ayliq qamaq jazasigha höküm qilinghan pablo xasél 16-féwral qolgha élinip, türmige yollanghan idi.
