nétanyahuning ereb birleshme xelipiliki we behreyn ziyariti kéchiktürüldi
isirailiye bash ministiri nétanyahuning mushu ay (2021-yili féwral) ereb birleshme xelipiliki we behreynge élp bérishi pilan qilinghan ziyaritining kéchiktürülgenliki uqturuldi.
türkiye awazi radiyosi xewiri: isirailiye bash ministiri nétanyahu mushu ayda élip barmaqchi bolghan ereb birleshme xelipiliki we behreyn ziyaritini yene kéchiktürdi.
isirailiye bash minstirliq ishxanisi bash ministir nétanyahuning ereb birleshme xelipiliki we behreyn ziyaritining kéchiktürülgenliki toghrisida yazma bayanat élan qildi.
bayanatta, nétanyahuning ereb birleshme xelipilikining weliehdi shahzadisi muhemmed bin zayid bilen behreyn padishahi hamed bin isa alxelifening ziyaret teklipini we döletler arisida imzalanghan tarixiy tinchliq kélishimini teqdirleydighanliqi bildürüldi. bayanatta mundaq déyildi:
«bash ministir nétanyahuning ebu zabi we behreyn ziyariti muhim bolsimu, ayrodurumlarning taqalghan bolushi sewebidin, bu ziyaretlerni kéchiktürüshni qarar qildi.»
biraq, mezkur ziyaretlerning qachan emelge ashurulidighanliqi toghrisida melumat bérilmidi.
isirailiye taratquliridiki xewerlerde, nétanyahuning 9-féwral (2021) da ebu zabini ziyaret qilidighanliqi uqturulghan idi.
isirailiyede wuxen wirusi (Kovid-19) gha qarshi turush ramkisida, paytext tél awiw etrapidiki bén guriyon (Ben Gurion) ayrodurumi taqalghan idi.
nétanyahu 2020-yli dékabirda we 2021-yili yanwarda ikki qétim ereb birleshme xelipilikini ziyaret qilishni pilan qilghan, emma bu ziyaretler her xil sewebler tüpeylidin kéchiktürülgen idi. ötken ayqi (2021-yili yanwar) pilanda, üch künlük ziyaret dairiside, aldi bilen ereb birleshme xelipilikini, arqidin behreynni ziyaret qilish békitilgen idi.
