kembeghel döletlerge waksina tarqitilidu
dunya waksina we emlesh jemiyiti (GAVI) dunya wuxen wirusi (Kovid-19) waksinalirigha érishish pirogrammisi(COVAX) dairiside, 2021-yilining deslepki alte éyida kembeghel döletler üchün eng az 337 milyon shishe waksina teyyarlanghanliqini élan qildi.
türkiye awazi radiyosi xewiri: dunya sehiye teshkilati, dunya waksina we emlesh jemiyiti we yuqumluq késelliklerge teyyarliq üchün yéngiliq birleshmisi(CEPI) ning ortaq tirishchanliqi bilen, 2020-yili aprélda dunya wuxen wirusi waksinalirigha érishish pirogrammisi bashlanghan idi. hazirghiche 190 dölet ishtirak qilghan pirogramma bilen, wuxen wirusi waksinalirini eng kembeghel 92 döletke barawer, téz we adil shekilde tarqitish nishan qilindi.
dunya waksina we emlesh jemiyiti yazma bayanatida, waksinalarni tarqitishqa munasiwetlik waqitliq pilanni ashkarilidi.
buninggha asaslanghanda, 337.2 milyon shishe wuxen wirusi waksinasini féwral (2021) éyining axiridin bashlap kembeghel döletlerge tarqitish pilan qilinmaqta iken. 145 kembeghel dölettiki%3.3 nopusni bu yil (2021) otturighiche emlesh nishan qilinghan.
pilan boyiche, her qaysi kembeghel döletlerge nopus nisbiti boyiche waksina tarqitilidiken.
hindistangha 97.2 milyon, pakistangha 17.2 milyon, nigériyege 16 milyon, hindonéziyege 13.7 milyon, bangladishqa 12.8 milyon, biraziliyege 10.6 milyon, kéniyege 4.2 milyon, sudangha 3.4 milyon, yemenge 2.3 milyon we süriyege 1,02 milyon dane waksina tarqitilidighanliqi bildürüldi.
مۇناسىۋەتلىك خەۋەرلەر
