iran erméniyening zémin pütünlükini tekitlidi

türkiye awazi radiyosi xewiri: iran tashqi ishlar ministirliqi muhemmed jewad zarifning erméniye ziyariti toghrisida bayanat élan qildi.

bayanatta, muhemmed jewad zarifning ezerbeyjan we rusiye ziyaritidin kéyin, erméniyeni ziyaret qilip, tashqi ishlar ministiri ara aywazyan bilen körüshkenliki bildürüldi.

ikki ministirning körüshüshide, özara munasiwetler we rayonluq mesililerning muzakire qilinghanliqi eskertilgen bayanatta, iran tashqi ishlar ministiri muhemmed jewad zarifning, «erméniyeni öz ichige alghan barliq döletlerning zémin pütünlüki, musteqilliqi we igilik hoquqi intayin muhim. erméniyening zémin pütünlüki iranning qizil siziqidur» dégenliki qeyt qilindi.

körüshüshte, erméniye tashqi ishlar ministiri aywazyan ikki döletning yaxshi qoshnidarchiliq we dostluq munasiwetlirini tekitlidi.

u iranning erméniyening tötinchi iqtisadiy shériki ikenlikini, shunga munasiwetlerni tereqqiy qildurushning muhim ehmiyetke ige ikenlikini bildürdi.

körüshüsh ramkisida yene, ikki dölet otturisidiki bankachiliq, qatnash, iran mehsulatlirining éksporti we aras deryasigha munasiwetlik mesililerningmu muzakire qilinghanliqi qeyt qilindi.

muhemmed jewad zarifning erméniye bash ministiri pashinyan bilenmu körüshidighanliqi we arqidin giruziye bilen türkiyeni ziyaret qilidighanliqi bildürüldi.