G7 döletliri tashqi ishlar ministirliri rusiye hökümitini nawalniyni qoyup bérishke chaqirdi
G7 döletlirining tashqi ishlar ministirliri rusiye hökümitige chaqiriq élan qilip, rusiye öktichisi aléksiy nawalniyni derhal qoyup bérishni telep qildi.
türkiye awazi radiyosi xewiri: amérika, kanada, firansiye, gérmaniye, italiye, engiliye, yaponiye we yawropa ittipaqi aliy wekili ortaq imza bilen élan qilghan birleshme bayanatta, rusiyening nawalniyni qolgha élish pozitsiyesi tenqid qilindi.
bayanatta, nawalniyning «siyasiy muddia» bilen qolgha élinqanliqi ilgiri sürülüp, weqedin kéyin, rusiye miqyasida kötürülgen namayishlarda, «minglighan tinch namayish qilghuchilar bilen birge nurghun zhurnalistlarningmu qolgha élinghanliqi hemde buni qetiy qobul qilishqa bolmaydighanliqi» tekitlendi.
rusiyediki kishilik hoquqni qoghdighuchilar we ammiwi teshkilatlarning bésiqturushqa uchrawatqanliqi ilgiri sürülgen bayanatta yene, «rusiye dairilirini nawalniy ependini derhal qoyup bérishke chaqirimiz» déyildi.
