yawropa ittipaqi rusiyeni nawalniyni qoyup bérishke chaqirdi
yawropa ittipaqi rehberliri gérmaniyedin moskwagha qaytip kelgendin kéyinla ayrodurumda tutqun qilinghan rus öktichisi alékséy nawalniyning qoyup bérilishini telep qildi.
türkiye awazi radiyosi xewiri: yawropa ittipaqi reisi charléz mishél, rehberlerning chaqiriqini 27 eza döletning dölet we hökümet bashliqlirining sin körünüshlük wuxen wirusi (kowid – 19) yighinidin kéyin jamaetchilik bilen ortaqlashti.
u yawropa ittipaqi rehberlirining nawalniyni zeherleshke urunush weqesi toghrisida rusiyening derhal musteqil we ashkara tekshürüsh élip bérishini kütidighanliqini otturigha qoyup, rusiyening tekshürüshte ximiyelik qorallarni cheklesh teshkilati bilen hemkarlishishini ümid qilidighanliqini tekitlidi.
2020 - yili 8- ayning 20- küni rusiyening tomsk shehiridin moskwagha qarap kétiwatqan alékséy nawalniyning salametlikide özgirish körülgendin ayropilan omsk shehirige qonghan. omsktiki doxturxanida balnistqa élinghan nawalniyning chéyigha arilashturulghan madda bilen zeherlengenliki ilgiri sürülgenidi.
nawalniy 22- awghust omsktin xususiy ayropilangha gérmaniyening paytexti bérlindiki chariti doxturxanisigha yötkelgen. 17- yanwar dawalinishqa barghan gérmaniyedin qaytishida moskwa ayrodurumida nazaret astigha élinghanidi.
sot nawalniyning «2020- yili 12- ayning 29- künidin bashlap nazaret qilish belgilimisige uda xilapliq qilghanliqini ilgiri sürüp, uni 15 – féwralghiche 30 kün tutup turushqa höküm qilghanidi.
