jo baydin aqsaraydiki birinchi künide 17 qararname imzalidi
amérikaning yéngi pirézidénti jo baydin yer sharining issip kétishini inkar qilghan sabiq pirézidént donald tramp chékingen parizh kilimat kélishimige we dunya sehiye teshkilatigha qaytidin qétilishqa qaritilghan qararnamilerni imzalidi.
türkiye awazi radiyosi xewiri: amérikada qesem bérip wezipe tapshuruwélish murasimida, pirézidéntliq hoquqini ötküzüwalghan jo baydin, fédératsiye binaliri we turalghulirida wuxen wirusi (Kovid-19 ) sewebidin maska taqashni mejburiy qilghan qararnamini imzalidi.
u yer sharining issip kétishini inkar qilghan sabiq pirézidént donald tramp chékingen parizh kilimat kélishimige we dunya sehiye teshkilatigha qaytidin qétilishqa qaritilghan qararnamilerni imzalidi.
u trampning bezi musulman döletlerge qaratqan wiza cheklimilirini emeldin qaldurdi. méksika chégrasigha sélinghan tam üchün tesis qilinghan fondlarni toxtitish qararnamisini imzalidi.
u owal (Oval) ishxanisida muxbirlarning soallirigha jawab bergende, donald trampning özige «mertlerche» bir mektup qaldurghanliqini, emma mektupning mezmunini ortaqlashmaydighanliqini éytti.
