amérika we yawropa ittipaqi alékséy nawalniyning moskwada nazaretke élinishigha naraziliq bildürdi
rusiye tashqi ishlar ministirliqi bayanatchisi mariya zaharowa amérika we yawropa ittipaqigha jawap qayturup:«igilik hoquqigha ige döletlerning dölet qanunigha tajawuz qilmanglar, öz dölitinglardiki mesililer bilen bolunglar» dédi.
türkiye awazi radiyosi xewiri: rusiye tashqi ishlar ministirliqi bayanatchisi mariya zaharowa amérika prézidénti jo baydin dölet bixeterlik meslihetchisi qilip teyinlesh aldida turghan jék sulliwan bilen yawropa ittipaqining moskwada nazaretke élinghan rusiye öktichisi alékséy nawalniyni qoyup bérish chaqiriqigha qarita, ijtimaiy taratqu hésabida bayanat élan qildi.
zaharowa bu chaqiriqlargha«aldin teyyarlanghan inkaslar» dep baha berdi we: «xelqara qanungha hörmet qilinglar, igilik hoquqiqa ige döletlerning dölet qanunigha tajawuz qilmanglar, öz dölitinglardiki mesililer bilen bolunglar» dep jawab qayturdi.
rusiye öktichisi alékséy nawalniy bultur zeherlengendin kéyin gérmaniyededawaliniwatqan bolup, tünügün kechte gérmaniyedin qaytip moskwagha qonghanda, ayrodorumda saqchilar teripidin nazaretke élinghan idi.
