girétsiyening paytexti afinadiki saqchixanigha qilinghan hujumda 5 saqchi yarilandi
kolonos rayonidiki saqchixana tünügün 70-80 kishilik niqabliq bir guruppa teripidin tash we kaltek bilen hujumgha uchridi.
türkiye awazi radiyosi xewiri: hujumda yarilanghan 5 saqchidin 1 birsining ehwalining éghir ikenliki bildürüldi.
hujumchilar, 2008 - yili saqchining oqida qaza qilghan alékis girigoropulosning xatire yili munasiwiti bilen saqchilargha qarshi lozinkilarni échip, shoarlarni towlidi.
saqchilargha qilinghan hujumdin kéyin, bügün sheherde ötküzülmekchi bolghan barliq namayishlarning chekligenlikini élan qilindi.
sheher merkizidiki métro béketlirining taqilidighanliqi we bixeterlik qisimlirining küchlük bixeterlik tedbirlirini yolgha qoyidighanliqi uqturuldi.
afinaning éksariye rayonida, 15 yashliq girigoropulos 2008 - yili 6 - dikabirda charlighuchi saqchi teripidin étip öltürülgen idi.
girigoropulosning saqchi oqida ölüshige qarshi qanchilighan künlergiche namayish qilinghan, nurghun sanda dölet binaliri, bankilar we xizmet orunlirigha ot qoyup bérilgen idi.
girigoropulosning ölümige seweb bolghan saqchi épaminondas korkonas bolsa, 2010 - yili muddetsiz qamaq jazasigha höküm qilinghan idi.
