mérkél oruch reis paraxoti toghrisida toxtaldi
gérmaniye bash ministiri angéla mérkél, türkiyening oruch reis yer tewreshni tekshürüsh paraxotining antalya portigha qaytishining yawropa ittipaqi bashliqlar yighinidin ilgiriki yaxshi isharet ikenlikini éytti.
türkiye awazi radiyosi xewiri: gérmaniye bash ministiri angéla mérkél, gérmaniyening yawropa ittipaqi nöwetchi reisliki dairiside qilghan sözide oruch reis paraxotining portqa qaytishi toghrisida toxtilip, «oruch reisning qaytidin türk portigha qaytishi yighindin burunqi yaxshi isharet» dédi.
bash ministir mérkél, bu qedemning 10 -, 11 – dékabir künliri chaqirilidighan bashliqlar yighinida nezerge élinidighanliqini eskertti.
u türkiyening eng köp musapirgha sahibxanliq qiliwatqan dölet ikenlikini tekitlep, «yawropa ittipaqidiki musapirlar detalashlirida nahayiti köp qiynalduq. türkiye bu jehette hörmetleshke layiq. türkiyege yardemchi bolushni dawamlashturushimiz kérek» dédi.
mérkél, yawropa ittipaqi ezasi girétsiye bilen jenubiy qibris rim dairilirige hemdem bolidighanliqlirinimu sözlirige ilawe qildi.
مۇناسىۋەتلىك خەۋەرلەر
