jewad zerif iran mutexessisi muhsin fahrizade suyiqesti üstide toxtaldi

türkiye awazi radiyosi xewiri: muhemmed jewad zerif instagram hésabda grafikler bilen élan qilghan uchurida, iran mutexessisi muhsin fahrizadening qestlep öltürülgenliki üstide toxtaldi.

jewad zerif irangha nisbeten meghlup bolghan yuqiri bésimliq siyasetning rehberliri we qollighuchilirining amérika pirézidénti donald tramp hökümitining axirqi künliride, jiddiyilikni kücheytishke urunuwatqanliqini tekitlidi we bu arqiliq émbargolarning bikar qilinishi üchün yaritilghan uyghun muhitni yoqitishni meqset qilidighanliqini éytti.

jewad zerif amérika tashqi ishlar ministiri mayk pompéyoning rayongha qilghan ziyaretliri shundaqla seudi erebistan text warisi shahzade muhemmed bin selman we israiliye bash ministiri binyamin nétanyahu bilen ötküzgen muzakirilirining eslide fahrizadening qestlep öltürülishi bilen ashkarilanghan bir suyiqestlik pilan dairiside élip bérilghanliqini ilgiri sürdi.

fahrizade suyiqesti bilen teng birla waqitta élip bérilghan psixologiyilik urush we istixbarat seperwerlikiningmu nétanyahu, pompéyo we bin salmanning weziyetni jiddiyleshtürüsh nishanigha xizmet qildurulghanliqiny bildürgen jewad zerif: «iran xelqi we mesulliri xelqaraliq térorchilarning axiriqi tipirlashlirining shundaqla  yaman nami chiqqan urushxumar we radikal zionistlarning qiltiqigha chüshmeydu. iran tramp we uning shériklirining iqtisadiy urushigha qarshi küreshliride qolgha keltürgen netijilirini konkértleshtürüsh üchün birliki we pütünlükini qoghdaydu» dédi.