dunyada waba sewebidin jénidin ayrilghanlar 1 milyon 400 mingdin ashti

türkiye awazi radiyosi xewiri: amérikada wuxen wirusi sewebidin jénidin ayrilghanlar sani 273 ming 77 ge, yuqumlanghanlar sani 13 milyon 750 ming 608 ge yetti.

firansiyede yéqinqi 24 saette wuxen wirusi sewebidin 198 kishi jénidin ayrildi we jemiy san 52 ming 325 ke yetti. oxshash waqitta, 9 ming 748 kishi yuqumlandi. buning bilen, wuxen wirusi sewebidin yuqumlanghanlarning jemiy sani 2 milyon 218 ming 483 ke yetti.

firansiyede wuxen wirusi tekshürüshining musbet chiqish nisbiti %11.1 ke yetti. firansiye memuriy soti kolléktip ibadetlerge cheklime qoyush tedbirige qaytidin qarap chiqishni we eng köp bolghanda 30 kishi bolush tedbirini emeldin qaldurushni telep qildi. eger ibadet cheklimisi emeldin qaldurulghanda, jüme namizigha qoyulghan cheklimimu emeldin qaldurulidu.

yéqinqi 24 saette wuxen wirusi sewebidin 87 kishining jénidin ayrilishi bilen, jemiy san 8 ming 54 ke, 2 ming 665 kishining yuqumlinishi bilen, jemiy yuqumlanghanlar 518 ming 649 gha chiqqan chéxiyede, xeterlik sewiyesi 4 tin 3 ke töwenlitildi.

chéxiyede peyshenbe (2020-yili 3-dékabir) künidin bashlap xizmet jayliri échilidu. réstoranlar yérim échilidu.

engliyede wuxen wirusi sewebidin jénidin ayrilghanlar 58 ming 245 ke yetti. yéqinqi 24 saette 12 ming 155 kishi yuqumlandi we jemiy san 1 milyon 617 mingdin ashti.

wuxen wirusi sewebidin jénidin ayrilghanlar sani 54 ming 904 ke chiqqan italiyede, yéqinqi 24 saette 20 mingdin artuq kishi yuqumlandi. buning bilen, wuxen wirusi sewebidin yuqumlanghanlarning jemiy sani 1 milyon 585 ming 178 ge yetti.

wuxen wirusi sewebidin jénidin ayrilghanlar sani 1 ming 712 ge yetken kirodiyede, yuqumlanghanlar sani 126 ming 612 ge chiqti. bash ministirning ayalimu wuxen wirusi bilen yuqumlandi.

hindistanda yéqinqi 24 saette wuxen wirusi sewebidin 443 kishi jénidin ayrildi we jemiy san 137 ming 185 ke chiqti. oxshash waqitta, 38 ming 772 kishi yuqumlandi we jemiy san 9 milyon 433 ming 143 ke chiqti. hindistan dunyada eng köp kishi yuqumlanghan ikkinchi dölet, wuxen wirusigha munasiwetlik eng köp ölüm körülgen üchinchi dölet bolup qaldi.

liwanda wuxen wirusi sewebidin 1 ming töt kishi jénidin ayrildi, 126 ming 944 kishi yuqumlandi. liwan hökümiti wuxen wirusigha qarshi turush ramkisida yolgha qoyulghan qattiq tedbirlerni bügün (2020-yili 30-noyabir) din bashlap yenggillitilidu. buninggha asasen shu yer waqti chüshtin kéyin saet 17:00 din etigen saet 05:00 arisida sirtqa chiqish cheklengen belgilime, kech saet 23:00 tin etigen saet 05:00 qilip özgertildi. soda orunliri etigen saet 05:00 tin 22:00 giche ochuq turidu. kéche qawaqxaniliri we köngül échish orunliri izchil taqilidu. réstoran we ashxanilar yérim échilidu.

liwan maarip ministirliqi bügündin bashlap, oqughuchilar hem mektepke baridighan hem intérnétta ders oquydighan arilashma sistémini yolgha qoyidu.

jenubiy afriqa jumhuriyitide yéqinqi 24 saette 37 kishi jénidin ayrildi we jemiy san 21 ming 477 ge chiqti. oxshash waqitta, 2 ming 563 kishi yuqumlandi. buning bilen, jemiy san 787 ming 702 ge chiqiti.

jenubiy koréyede yéqinqi 24 saette wuxen wirusi sewebidin üch kishi jénidin ayrildi we jemiy san 526 ge chiqti. oxshash waqitta, 438 kishi yuqumlandi we jemiy yuqumlanghanlar sani 34 ming 201 ge chiqti.

xitayda yéqinqi 24 saette 18 kishining yuqumlanghanliqi bildürüldi. bularning üch kishi ichki mongghuliyede bayqaldi. xxtayda yéqinqi 24 saette wuxen wirusigha munasiwetlik ölüm weqeliri körülmidi. jemiy yuqumlanghanlar sani 86 ming 530 gha, jemiy jénidin ayrilghanlar sani 4 ming 634 ke chiqti.