afghanistanda 14 yil ichide 26 mingdin artuq balining ölgen yaki méyip bolup qalghanliqi bildürüldi
afghanistandiki urush sewebidin 2005 – yilidin 2019 – yilighiche bolghan jeryanda 26 mingdin artuq balining bezisining ölgenliki, yene bezilirining méyip bolup qalghanliqi bildürüldi.
türkiye awazi radiyosi xewiri: «balilarni qutquzuwélinglar wexpi», birleshken döletler teshkilati (b d t), afghanistan bilen finlandiye teripidin orunlashturulghan 2020 – yilliq xelqara afghanistan yighinida, iane qilghuchi döletlerni afghan balilarning kélechikini qoghdap qélishqa chaqirghan bir parche doklat élan qildi.
doklatta, afghanistandiki urush sewebidin 2005 – yilidin 2019 – yilighiche bolghan jeryanda her küni otturiche 5 bolup jemiy 26025 balining ölüp ketkenliki yaki méyip bolup qalghanliqigha isharet qilindi.
afghanistanning dunyadiki balilar üchün eng xeterlik 11 döletning biri ikenliki otturigha qoyulghan doklatta, urush dawamlishiwatqan bashqa barliq rayonlargha sélishturghanda afghanistanda eng köp balining wapat bolghanliqi yaki méyip bolup qalghanliqi tekitlendi.
balilarni qutquzuwélinglar wexpining afghanistangha mesul emeldari kiris nyamandi, «herdaim bügünning perzentingiz adem bomba yaki hawa hujumida ölüp kétidighan kün bolush éhtimali barliqi wehimisi ichide tesewwur qilip béqinglar. bu, perzentliri ölgen yaki méyip bolup qalghan on minglarche afghan ata – anigha nisbeten achchiq réalliq» dégenlerni qeyt qildi.
مۇناسىۋەتلىك خەۋەرلەر
